Ísland: Vinnan skal rinda 630 milliónir í tilfeingisgjaldi

Fiskivinnan og alivinnan í Íslandi skulu rinda 630 mió. kr. í okkara pengum í tilfeingisgjaldi næsta ár, skrivar Morgunblaðið.

Tað sæst í uppskotinum um fíggjarlóg fyri 2024.

Alivinnan skal gjalda 110 mió. kr. Hinar 520 milliónirnar vera kravdar frá fiskivinnuni.

Hækkar upp í fimm prosent

Tilfeingisgjaldið er hækkað úr 3,5 prosentum upp í fimm prosent.

Gjaldið, sum er lagt á alivinnuna, verður lagt á í stigum, ein sætti partur um árið til 2026, tá fult gjald verður.

Væntað er eisini, at alivinnan veksur næstu árini.