Roynir framvegis semju

- Eg veit ikki, hvussu vónirnar eru.

Tað sigur Terje Sigurðsson, semingsmaður, sum roynir semju í sáttmálatrætuni millum Lønardeildina og sjúkrarøktarfrøðingarnar.

Semingsroyndin byrjaði á middegi í gjár. Tey fóru til hús, tá klokkan gekk til tíggju í gjárkvøldið, og semingsroyndin var tikin uppaftur klokkan níggju í morgun.

- Vit arbeiða fram ímóti at koma til eina semju, men framvegis er nakað millum partarnar, sigur Terje Sigurðsson.

Hann sigur, at enn ber ikki til at siga, um nakað semingsuppskot kemur.

Felagið Føroyskir sjúkrarøktarfrøðingar og Lønardeidin hjá Fíggjarmálaráðnum sendu boð eftir Semingsstovninum 24.august.

Tá eydnaðist teimum ikki at semjast um nýggjan sáttmála fyri tann, sum fór úr gildi á nýggjárinum.