Nú fara feløg í Skiftirættin til tvingsilsavtøku

Í dag fer Skráseting Føroya at senda Skiftirættinum feløg til tvingsilsavtøku.

Hóast áminningar vóru sendar tíðliga í juli, høvdu 231 feløg ikki sent Skrásetingini ársfrásøgn fyri 2022 tann 1.september.

Feløgini, sum ikki hava latið ársfrásøgn fyri 2022, fara í Skiftirættin í dag.

Tað er ikki kunngjørt enn, hvussu nógv feløg skulu í Skiftisrættin hesaferð. 

56 feløg fóru í Skiftirættin í fjør

Øll skrásett feløg, sum hava álmanakkaárið sum roknskaparár, skulu lata Skrásetingini ársfrásøgn í seinasta lagi 30.juni.

Skrásetingin sendi 56 feløg í Skiftirættin til avtøku í fjør.

Talan var um 17 íverksetarafeløg og 39 smápartafeløg.

Tey fimm árini, frá 2017 til 2021, hevur Skrásetingin sent 280 feløg í Skiftirættin til avtøku.