Royna at finna loysnir saman við semingsstovninum

Felagið hjá sjúkrarøktarfrøðingunum hevur fyrrapartin havt samband við semingsstovnin í eini roynd at finna eina loysn í sáttmálatrætuni við Lønardeildina, so tað slepst undan verkfalli.

Óluva í Gong, forkvinna í sjúkrarøktarfrøðingafelagnum, sigur, at felagið vil hava nøkur viðurskifti við í semingsuppskotið, um tað skal góðtakast, og tað hava semingsmenninir tikið til eftirtektar.

Hósdagin legði semingsstovnurin fram semingsuppskot. Sjúkrarøktarfrøðingarnir vrakaðu semingsuppskoti, men Lønardeildin góðtók tað.

Í morgun fór nevndin í sjúkrarøktarfrøðingafelagnum á fund at umrøða støðuna, og klokkan 11 hevði Óluva í Gong fund við semingsstovnin.

Hoyr samrøðu, sum Elin Winther Poulsen gjørdi við Óluvu í Gong í útvarpstíðindunum: