Leita eftir ráðgeva til løgmann

Løgmaður skal hava nýggan uttanríkispolitiskan ráðgeva, nú verandi ráðgevin fer í annað starv.

Talan er um tíðaravmarkað starv, sum kann vera broytt til varandi setan.

Arbeiðið er at ráðgeva løgmanni í uttanríkispolitiskum viðurskiftum og vera bindilið millum Løgmansskrivstovuna og onnur stjórnarráð, sum varða av uttanríkispolitikki.

Arbeiðið umfatar eisini samskifti við danska forsætismálaráðið, nærlagda kunning um áleikandi uttanríkispolitisk mál og at fyrireika vitjanir hjá løgmanni uttanlands. 

Umfatandi starv

Og tað umfatar eisini ábyrgdina at taka móti spurningum frá landsstýrisfólkum, løgtinginum ella fjølmiðlum um uttanríkismál.

Uttanríkispolitiski ráðgevin fer í toymið hjá løgmanni.

Í tí eru ráðgevar í búskapi, løgfrøði, innlendismálum og uttanríkismálum. 

Umsóknarfreistin er til 16.oktober.

Starvið verður sett 1.desember ella eftir avtalu.