Cristiano skal lyfta arvin

Arvurin, sum skal lyftas, er stórur.

Navnframi Rajko Petrovic takkaði fyri seg í SÍ eftir farna kappingarár, og fyri fyrstu ferð í 20 ár skuldu sørvingar hava nýggjan venjara. 

Valið fall á brasiliumannin, Cristiano Rodrigues Campos, sum í fjør vandi landsliðið hjá Pakistan.

 - Eg sá nógv gott í felagnum. Vit hava fleiri ungar spælarar, sum hava eina góða framtíð, sigur nýggi SÍ-venjarin.

 - Vit mugu taka tað stig fyri stig. Spælararnir hava ymiskt, sum tær mugu arbeiða við, men vit minnast eisini til, hvussu ungar tær eru, sigur Cristiano Rodrigues Campos, sum skal standa á odda fyri bestu mans- og kvinnuliðunum umframt ungsómsliðunum. 

SÍ hevur mist fleiri av berandi spælarunum farna kappingarár, millum annað Svetlanu Shvanskaya og Jannu Falkvard, og í løtuni tykist óvist, hvussu liðið fer at síggja út í ár. Sambært nýggja venjaranum er ætlanin at fáa ein nýggjan hevara.