Jan Ziskasen nevndarlimur í Orkufelagnum

Fyrrverandi forstjórin í Føroya Tele, Jan Ziskasen, er nú blivin nevndarlimur í smápartafelagnum Orkufelagið.

Christian í Grótinum-samtakið í Klaksvík keypti í summar 42 prosent av Orkufelagnum, sum eigur Magn. Keypið hevði verið leingi á veg, men varð tá góðkent av Kappingareftirlitinum.

Í dag eru so Jan Petersen, stjóri í samtakinum Christian í Grótinum, og Jan Ziskasen, komnir í nevndina í Orkufelagnum.

Teitur Nolsøe Poulsen er nevndarformaður í Orkufelagnum, og harumframt umboða Páll Snorrason og Torvaldur Gissurarson íslendsku eigararnar í Orkufelagnum.