Brúkaraprístalið vaks 4,4 prosent

Í øðrum ársfjórðingi 2023 vaks brúkaraprístalið við 4,4 prosent, og tað er munandi minni, enn vøksturin í brúkaraprístalinum hevur verið síðani annan ársfjórðing 2022.

Prísirnir hækka framvegis, men spakuligari, enn teir hava tað seinasta árið. Meðan oljuprísirnir høvdu størstu ávirkanina á brúkaraprístalið fyrst í 2022, hava tað síðani verið hækkaðir matvøruprísir, ið hava togað brúkaraprístalið upp.

Í fyrsta ársfjórðingi ár vóru tað yvirhøvur dýrkaðar matvørur, rentuútreiðslur og streymprísir, sum togaðu prísvøksturin upp, og í øðrum ársfjórðingi í ár eru tað rentuhækkingar og dýrkaðar matvørur, sum gera seg galdandi.