Útgjaldið úr Samhaldsfasta hækkar næsta ár

Fólkapensjónistar fáa 3.060 kr. meira frá Samhaldsfasta næsta ár enn í ár.

Stýrið fyri Arbeiðsmarknaðareftirlønargrunnin hevur samtykt at hækka eftirlønina úr grunninum við 255 kr. um mánaðin næsta ár.

Tað svarar til 4,2 prosent.

Í ár fáa fólk 6.070 kr. um mánaðin úr Samhaldsfasta. Næsta ár fáa fólk 6.325 kr um mánaðin.

Samlaða eftirlønin verður tí knappar 76.000 kr. fyri skatt

Í fjør fingu fólkapensjónistar 648 mió. kr. úr Arbeiðsmarknaðareftirlønargrunninum.

Í ár er útgjaldið mett til at vera okkurt um 675 mió. kr. og næsta ár fer útgjaldið upp í 740 mió. kr.