Semingsroyndin heldur fram

Semingsroyndin millum Sjúkrarøktarfrøðingafelagið og Lønardeildina hjá Fíggjarmálaráðnum verður tikin uppaftur nú klokkan eitt.

Partarnir sótu saman við semingsstovninum allan gjár, og fóru til hús í gjárkvøldið við nøkrum málum at viðgera hvør í sínum lagi, til tey skuldu hittast aftur í dag.

Terje Sigurðsson, semingsmaður, segði við útvarpið í gjárkvøldið, at samráðingarnar halda fram, men enn var ov tíðliga at siga, um grundarlag var fyri nýggjum semingsuppskoti at leggja fyri partarnar.

Tað fer seinnaparturin møguliga at vísa.