Ruth Vang: Halda fast við lønarkarmin

Ruth Vang, landsstýriskvinna í fíggjarmálum, sigur, at hildið verður fast við lønarkarmin, sum er ásettur.

Verður vikið frá honum, fer alt á glið.

Tað sigur hon, nú einki spurdist burtur úr semingsroyndini í sáttmálatrætuni millum sjúkrarøktarfrøðingarnar og Lønardeildina í Fíggjarmálaráðnum.

Sjúkrarøktarfrøðingarnir viðgera í løtuni spurningin, um farast skal í verkfall. 

- Munurin er, at Óluva í Gong skal røkja áhugamálini hjá sínum felag, men eg má hugsa um allan búskapin, sigur Ruth Vang.

Hon viðgongur, at tað fer at gera lønarsamráðingarnar torførari, at ávís fakfeløg fáa lønarlyft, og onnur ikki.

Hoyr samrøðu, sum Elin Winther Poulsen gjørdi við landsstýriskvinnuna, í útvarpstíðindunum:

Sí eisini: Sjúkrarøktarfrøðingarnir viðgera nú spurningin um verkfall