Ruth Vang: Hetta er undantaksstøða

- Eg hevði ikki væntað, at lýsta verkfallið hjá sjúkrarøktarfrøðingununum fór at verða so ógvisligt, og hetta er ein ein undantaksstøða.

Tað sigur Ruth Vang, landsstýriskvinna í fíggjarmálum, nú sjúkrarøktarfrøðingarnir hava lýst umfatandi verkfall á øllum trimum sjúkrahúsunum mánamorgunin.

Ruth Vang sigur, at hon vísir ikki aftur, at tað kann gerast neyðugt hjá politiska myndugleikanum at leggja upp í verkfallið, um vandi er fyri lív og heilsu, men hon leggur dent á, at eingin avgerð er tikin um tað enn.

Hoyr samrøðu, sum Elin Winther Poulsen gjørdi við Ruth Vang í útvarpstíðindunum klokkan 16:

Verkfallið, sum byrjar mánamorgunin klokkan átta, rakar hesar deildir á teimum trimum sjúkrahúsunum:

Landssjúkrahúsið

• A2
• A3
• B5
• B6
• B7
• B8
• G1
• G4
• P40/PI
• P40/PA

Klaksvíkar Sjúkrahús:

• KS-3 seingjardeildin

Suðuroyar Sjúkrahús:

• Seingjardeildin