18 íbúðir á Toftum til búfelagsskap hjá Almannaverkinum

Nú er farið at byggja 18 íbúðir á Kneysum á Toftum. Talan er um búfelagsskap, sum Almannaverkið fer at taka sær av. 

Í fjør gjørdu Nes kommuna og Bústaðir rammuavtalu um eitt grundøki oman fyri kommunuskrivstovuna.

Avtalað var, at Nes kommuna gjørdi grundøkið byggibúgvið og síðan seldi tað til Bústaðir, sum skuldi byggja íbúðir, ið Almannaverkið fer at leiga til fólk, sum eru fevnd av teirra tænastum.

Í summar var sáttmáli gjørdur millum Bústaðir og Byggivirkið KBH um at byggja íbúðarbygning í trimum hæddum við 18 íbúðum.

Íbúðirnar verða umleið 50 fermetrar Aftrat íbúðunum verða felagshølir, starvsfólkarúm, goymsla, tøknirúm við meira.

Íbúðirnar verða eftir ætlan klárar at taka í nýtslu á sumri í 2025.