Rætturin ásetur revsing í neyðtøkumáli

Føroya rættur fer í dag áseta revsingina í einum neyðtøkumáli.

Ein 18 ára gamal maður er dømdur fyri at hava neyðtikið eina kvinnu ólavsøkunátt í 2021.

Tá var hann 16 ár. Neyðtøkan var uttandura í miðbýnum í Havn.

Maðurin er eisini dømdur fyri at stjala ein bil í Klaksvík og koyra, uttan at hava koyrikort. Hetta var í mai 2021.

Maðurin noktaði seg sekan, tá hann var í rættinum í summar.

Ákæruvaldið fer at krevja eitt ár og tríggjar mánaða treytaleysa fongsulsrevsing.