Fyrireika nýtt sjósavn á Argjum

Fyrireikingar til at byggja nýtt sjósavn á Argjum  eru byrjaðar. Sjósavnið skal byggjast í økinum, har verandi sjósavn er. 

Karmarnir í gamla íshúsinum á Argjum, har virksemið byrjaði í 2007, eru alt ov trongir til at rúma virkseminum, sum skal vera har. 

Verandi stjóri, Bjørki Geyti, hevur lagt frá sær fyri aldur, og nýggjur stjóri er Heini Hátún. 

Hann skal standa á odda fyri arbeiðinum við útvega fígging, prosjektera, byggja og reka nýggja sjósavnið.

Hoyr innslag í útvarpstíðindunum: 

Heini Hátún

Heini Hátún er nýggjur stjóri á Sjósavninum.

Nýggi bygningurin hjá Sjósavninum fer væntandi at kosta millum 80 og 90 milliónir krónur.