Herða nú verkfallið á sjúkrahúsunum í Klaksvík og Suðuroy

Sjúkrarøktarfrøðingarnir herða verkfallið aftur fríggjadagin, og nú verða m.a. fleiri deildir á Klaksvíkar sjúkrahúsi og Suðuroyar sjúkrahúsi raktar. 

Tað boðar sjúkrarøktarfrøðingafelagið frá á heimasíðuni.

Verkfallið umfatar allar sjúkrarøktarfrøðingar, deildarleiðarar/funktiónsleiðarar og varaleiðarar/toymisleiðarar frá fríggjadegi 13. oktober kl. átta, ið arbeiða á hesum deildum:

Klaksvíkar Sjúkrahús:

• Almen kirurgisk ambulatorium
• Ortopædisk ambulatorium
• Urologisk ambulatorium
• Svøvn ambulatorium

Suðuroyar Sjúkrahús:

• Kardiologisk starvsstova
• Pínuklinikk
• Ambulant virksemi á skurðgongini

Meiri verður at frætta um herda verkfallið á Klaksvíkar sjúkrahúsi og Suðuroyar sjúkrahúsi í útvarpstíðindunum klokkan 12.20.