Sjúkrahússtjóri: Starvsfólkini eru sperd

Higartil hevur verkfallið hjá sjúkrarøktarfrøðingunum rakt seingjardeildirnar á Klaksvíkar sjúkrahúsi og Suðuroyar sjúkrahúsi, men fríggjamorgunin verður verkfallið á hesum báðum sjúkrahúsunum hert.

Klaksvíkar sjúkrahús, sjúkrahúsið í Klaksvík

Klaksvíkar sjúkrahús

Alexandra á Dul, stjóri í Sjúkrahúsverkinum og á Klaksvíkar sjúkrahúsi, sigur, at starvsfólkini, sum eru eftir til arbeiðis, eru sperd, og nú verkfallið verður hert, verður neyðugt at biðja um fleiri undantøk.

Hoyr samrøðu, sum Hallur av Rana gjørdi við Alexandru á Dul í útvarpstíðindunum: 

Suðuroyar sjúkrahús

Suðuroyar sjúkrahús

Fleiri deildir raktar

Fríggjamorgunin klokkan átta verður verkfallið á Klaksvíkar sjúkrahúsi og Suðuroyar sjúkrahúsi hert, boðar Sjúkrarøktarfrøðingafelagið frá. 

Verkfallið umfatar allar sjúkrarøktarfrøðingar, deildarleiðarar/funktiónsleiðarar og varaleiðarar/toymisleiðarar, ið arbeiða á hesum deildum:

Klaksvíkar sjúkrahús:

• Almen kirurgisk ambulatorium
• Ortopædisk ambulatorium
• Urologisk ambulatorium
• Svøvn ambulatorium

Suðuroyar sjúkrahús:

• Kardiologisk starvsstova
• Pínuklinikk
• Ambulant virksemi á skurðgongini

Ruth Vang, Búskaparráðið, Heystfrágreiðingin, Framløga

Ruth Vang, landsstýriskvinna.

Fylgja við gongdini

- Vit fylgja væl við støðuni og vóna framvegis at finna eina semju við sjúkrarøktarfrøðingarnar, sigur Ruth Vang, landsstýriskvinna við fíggjarmálum.

Hoyr samrøðu, sum Hansa Hansen gjørdi við landsstýriskvinnuna: