Landsliðshondbóltur og -fótbóltur í kvøld

Kringvarpið vísir bæði EM-undankappingardystirnar hjá kvinnulandsliðnum í hondbólti og manslandsliðnum í fótbólti í sjónvarpinum í kvøld

Brandur Hendriksson Olsen og hinir á manslandsliðnum í fótbólti skulu aftur í eldin í kvøld móti Póllandi

Mynd: FSF á Facebook

Sára Jógvansdóttir

Uni L. Hansen

12.10.2023 - 07:38

Nógvur landsliðsítróttur er í dag.

Í kvøld skal kvinnulandsliðið í hondbólti spæla EM-undankappingardyst ímóti Svøríki. Hetta er fyrsti dystur í undanumfarinum til eitt møguligt EM-pláss.

Hondbóltslandsliðið við kvinnum, Hondbóltskvinnurnar, Kvinnulandsliðið í hondbólti

Dysturin er á útivølli og byrjar klokkan 17.30. Kringvarpið vísir dystin og byrjar at senda 10 minuttir áðrenn.

Pólland á vitjan

Á Tórsvølli skal manslandsliðið í fótbólti spæla EM-undankappingardyst ímóti Póllandi.

A-landsliðið, Landsliðið, Fótbóltslandsliðið

Londini hittust eisini í september á útivølli, og tá taptu Føroyar 2-0.

Dysturin byrjar klokkan 19.45, og Kringvarpið byrjar at senda upptakt í sjónvarpinum klokkan 19.30.

A-landsliðið, Landsliðið, Fótbóltslandsliðið, Skansin

Liðini aftur í eldin sunnudagin

Sunnudagin er aftur nógvur landsliðsítróttur, tí tá skulu somu liðini aftur í eldin.

Hondbóltslandsliðið við kvinnum, Hondbóltskvinnurnar, Kvinnulandsliðið í hondbólti

Tá spæla hondbóltskvinnurnar á heimavølli ímóti Íslandi, meðan fótbóltsmenninir spæla á útivølli móti Kekkia.

Sunnudagin sendir Kringvarpið beinleiðis ítrótt í sjónvarpinum frá klokkan 14.30 og í fýra tímar fram.

Fyrst er hondbóltsdystur og síðan fótbóltsdystur.

A-landsliðið í fótbólti, Fótbóltslandsliðið

Gevið gætur! Kringvarp Føroya hevur einans rættindi at vísa dystirnar í Føroyum.
Tað merkir, at einans fólk, sum eru stødd í Føroyum, kunnu síggja stroymingin á heimasíðu Kringvarpsins.

Landsliðsskráin í KVF

Í kvøld, hóskvøldið 12. oktober 2023

17:20 - 18:50 Hondbóltur: Svøríki - Føroyar (kvinnur)
(Kann bert síggjast í Føroyum)

19:30 - 19:45 Fótbóltur: Undan dystinum Føroyar - Pólland
(Kann bert síggjast í Føroyum)

19:45 - 20:30 Fótbóltur: Føroyar - Pólland (menn)
(Kann bert síggjast í Føroyum)

20:30 - 20:45 Fótbóltur: Studio í hálvleikinum
(Kann bert síggjast í Føroyum)

20:45 - 21:30 Fótbóltur: Føroyar - Pólland (menn)
(Kann bert síggjast í Føroyum)

21:30 - 21:40 Fótbóltur: Eftir dystin
(Kann bert síggjast í Føroyum)