Waag ætlar at yvirtaka partabrøvini í Auto Service

Kappingareftirlitið hevur nú fingið fráboðan um, at P.f. Waag ætlar at yvirtaka øll partabrøvini í P.f. Auto Service frá P.f. RS47, sum eigur Auto Service og Reyni Service.

Høvuðsvirksemi hjá báðum feløgum er bilasøla og at reka bilverkstað.

Kappingareftirlitið sigur, at freistin at gera viðmerkingar til yvirtøkuna skulu vera Kappingareftirlitinum í seinasta lagi 27. oktober. 

Pelagos yvirtekur Faroe Pelagic

Fyrr í vikuni fekk Kappingareftirlitið fráboðan um, at P.f. Pelagos ætlar at yvirtaka allan partapeningin í P.f. PP Faroe Pelagic, sum er uppsjóvarvirki í Kollafirði.

PP Faroe Pelagic kom inn í føroysku uppsjóvarvinnuna á landi tá fyritøkan, í 2009, keypti uppsjóvarvirkið í Kollafirði, sum mest var kent undir navninum Kollafjord Pelagic, sum var í trupulleikum. 

Uppsjóvarvirkið Pelagos fór undir sítt virksemi í 2014. Eigararnir har eru Havsbrún, Framherji, Palli hjá Mariannu, og á Enni.

Viðmerkingar um yvirtøkuna skulu vera Kappingareftirlitinum í hendi í seinasta lagi 26. oktober. 

'