Boðin í kongaligan føðingardag

Fimm ung fólk úr Føroyum eru boðin í 18 ára føðingardagin hjá Christiani prinsi.

Umframt tvey 18 ára gomul, sum herfyri vórðu vald við lutakasti at sleppa í veitsluna, hevur kongshúsið eisini boðið trimum ungum fólkum, sum hava gjørt vart við seg á altjóða pallinum á ymsan hátt. 

Teir tríggir føroyingarnir eru hondbóltsspælarin Elias Ellefsen á Skipagøtu, violinspælarin Andrias Haraldson Blaasvær og fimleikarin Astrið Nanly Breckmann.

18 ára føðingardagsveitslan fyri Christiani prinsi verður á Christiansborg Slotti í morgin 15. oktober.