Biðja um meiri pening til Varpið

Stýrið í grunninum fyri mentanarhúsið í Klaksvík hevði væntað, at játtanin á fíggjarlógini fór at halda fram

Mentanarhúsið í Klaksvík er um at vera liðugt, og hósdagin verður tað latið upp fyri almenninginum. (Savnsmynd)

17.10.2023 - 13:00

Stýrið fyri Grunnin Mentanarhús í Klaksvík sendi í farnu viku løgtingsins fíggjarnevnd eina áminning, har tey biðja um í minsta lagi fimm milliónir krónur í játtan til Varpið í 2024.

Í grunninum høvdu tey roknað við, at játtanin til Varpið fór at halda fram.

Jóhanna Christiansen

Jóhanna C. Christiansen er forkvinna í stýrinum fyri Grunnin Mentanarhús í Klaksvík.

Forkvinnan í grunninum, Jóhanna C. Christiansen, harmast, at játtanin nú er horvin í fíggjarlógaruppskotinum, m.a. tí at húsið vorðið blivið dýrari enn upprunaliga ætlað.

Mentanarhúsið fer væntandi at kosta 68 milliónir kr.

Og tað hevði lætt um raksturin, um Varpið fekk tær fimm milliónirnar næsta ár, sum tey høvdu ætlað, sigur forkvinnan:

17102023_Varpid

Eyðgunn Samuelsen, forkvinna í Fíggjarnevndini, sigur, at einki verður greitt um játtanina til Varpið, fyrr enn álitið hjá fíggjarnevndini er komið.

Tað er sjálvsognarstovnurin - Grunnur Mentanarhús í Klaksvík - sum eigur og fer at reka Mentanarhúsið Varpið.