Útflutningurin til Russlands er 800 milliónir í ár

Føroyar útfluttu uppsjóvarfisk til Russlands fyri 68 milliónir krónur í august.

Allur útflutningurin til Russlands var 76 milliónir krónur í august, skrivar Hagstovan.

Føroyski útflutningurin yvirhøvur fyrstu átta mánaðirnar í ár var 8,4 milliardir krónur. 

Hetta eru 401 millión krónur meira enn í sama tíðarskeið í fjør.

Útflutningurin til Russlands var 807 mió. kr. frá 1.januar til 1.september í ár.

Virðið á laksaútflutninginum er minkað 262 milliónir krónur, átta prosent. 

Nøgdin er minkað 7.818 tons, 17 prosent. 

Laksaprísurin hevur verið góður, men seinastu mánaðirnar er prísvøksturin steðgaður, skrivar Hagstovan.