Blokkstuðul til Suðuroyartunnilin

Uppskotið hjá Sambandsflokkinum um at flyta partafelagnum Suðuroyartunlinum pengarnar, sum vera tiknir av ríkisveitingini, skal hava fyrstu viðgerð í løgtinginum í dag.

Í staðin fyri at minka blokkin við at niðurlaga hann, skulu pengar latast partafelagnum Suðuroyartunlinum.

25 mió. kr. skulu flytast felagnum í ár, 50 milliónir næsta ár, 75 milliónir í 2025 og síðani 100 milliónir um árið.

850 mió. til 2032

Hetta gevur 850 milliónir krónur fram til 2032, sigur Sambandsflokkurin, sum hevur uppskot til samtyktar um hetta.

Endamálið er at útvega so stóra eginfígging sum til ber, sigur flokkurin.

Sambandsflokkurin sigur eisini, at ríkisveitingin skal vera óbroytt - tann sama, sum hon var í fjør, 641,8 milliónir krónur.

Tingfundurin í dag er klokkan ellivu.