Á Breddanum: Barsilsskipanin og politiska støðan í Póllandi

Andstøðuflokkarnir hava lagt fram lógaruppskot um at hækka hámarkið fyri útgjaldi úr Barsilsskipanini 3.000 krónur, so tað verður 28.000 kr.

Landsstýriskvinnan í arbeiðsmarknaðarmálum sigur, at hon arbeiðir við málinum.

Í sendingini verður politiskt kjak um málið.

Í útvarpsstovuni vera Hervør Pálsdóttir í Tjóðveldi, Henrik Old í Javnaðarflokkinum, Helgi Abrahamsen í Sambandsflokkinum og Steffan Klein Poulsen í Miðflokkinum. 

Tey eru øll limir í rættarnevndini.

Tjóðartingsval var í Póllandi um vikuskiftið, og nógv bendir á stjórnarskifti í landinum. 

Regin Berg, stjórnmálafrøðingur, fer at greina politisku støðuna í Póllandi.

Breddin í útvarpinum klokkan 10 og á kvf.fo.