Kvinnur úr Peru ákærdar fyri at smugla kokain

Føroya rættur fer mánadagin at viðgera eitt mál um rúsevni.

Tvær kvinnur úr Peru, 31 og 41 ára gamlar, eru ákærdar fyri at hava smuglað tilsamans 793 gramm av kokaini til Føroya.

Tollvaldið avdúkaði kvinnurnar, sum høvdu krógvað kokainið í móðurskeiðini.

Sita í varðhaldi

Hetta var 28. august, og kvinnurnar hava sitið í varðhaldi síðani tá. 

Føroya rættur dømdi fyrr í hesum mánaðinum eina dominikanska kvinnu fyri at hava smuglað 1,2 kilo av kokaini til Føroya í tveimum førum. 

Hon fekk seks ára teytaleysa fongulsrevsing.

Kvinnan kærdi alt fyri eitt part av dóminum.