Freistin longd at skriva álit um sendistovu

Uttanlandsnevndin hevur fingið longda freist til at skriva álit um uppskotið hjá Miðflokkinum um at hava føroysku sendistovuna í Ísrael í Jerusalem.

Freistin er longd til 7. november.

Uttanlandsnevndin fekk málið eftir fyrstu viðgerð 5. september og skuldi tí langt síðani havt skrivað álit.

Nevndin hevur fund fyrrapartin í morgin.

Landsstýrismaðurin í uttanríkismálum og sendimaðurin í Ísrael, Áki Johansen, eru boðsendir á fundin.

Men Høgni Hoydal, landsstýrismaður, fær ikki komið, tí hann er farin til Kina.