Arbeiðsloysið er óbroytt

Arbeiðsloysið í Føroyum er framvegis 0,6 prosent.

Tað var tað eisini í august.

191 fólk vóru fulltíðararbeiðsleys í september, skrivar Hagstovan.

Til dømis telja tvey fólk, sum hava verið arbeiðsleys í ein hálvan mánað hvørt, sum eitt fulltíðararbeiðsleyst fólk. 

14,4 prosent av teimum arbeiðsleysu hava verið uttan arbeiði í eitt ár ella meira.

10,6 prosent hava verið arbeiðsleys í ein til 29 dagar, altso minni enn ein mánað.

Arbeiðsloysið er minst í Vágum, 0,2 prosent, meðan tað er størst í Suðuroynni, 1,1 prosent.