Ukrainsk flóttafólk sleppa at vera í Føroyum eitt ár aftrat

Uppihaldsloyvini hjá ukrainsku flóttafólkunum í Føroyum vera longd eitt ár, til 17.mars 2025.

Og 50 uppihaldsloyvi koma aftrat. Uppihaldsloyvini fara upp í 250.

Tað er úrslitið á einum fundi millum landsstýrismannin í lógarmálum, Bjarna Kárason Petersen, og danska ráðharran í útlendinga- og integratiónsmálum, Kaare Dybvad Bek.

Bjarni K. Petersen og Kaare Dybvad Bek

Kaare Dybvad Bek, útlendinga- og intergratiónsráðharri, og Bjarni Kárason Petersen, landsstýrismaður.

Nýggja útlendingalóg

Á fundinum kom landsstýrismaðurin eisini við ynski um eina nýggja útlendingalóg fyri Føroyar.

Bjarni Kárason Petersen nevndi føroyska ynskið um at linka ávísar treytir fyri eykaarbeiði hjá útlendingum, uttan at søkjast skal um arbeiðsloyvi í hvørjum einstøkum føri.

Avbjóðingar eru eisini um arbeiðs- og uppihaldsloyvi til trúboðarar og onnur, sum vilja virka á átrúnaðarliga økinum í Føroyum. 

Útlendinga- og integrationsmálaráðið kannar enn hetta málið.

Sí eisini sendingina "Flýdd til friðin í Froðba", um tey fyrstu ukrainsku flóttafólkini, ið komu til Føroya.