Nýtt semingsuppskot í morgin

Áðrenn fundin, sum var liðugur fyri einum stívum tíma síðani, avtalaðu partarnir, at semingsmaðurin ger eitt nýtt semingsuppskot, sum skal leggjast fyri partarnar í morgin.

Terje Sigurðsson, semingsmaður, segði í stuttari viðmerking eftir fundin, at útlitini fyri semju nú eru betri, enn tey hava verið. Annars hevði hann ikki átikið sær at gjørt eitt nýtt semingsuppskot, sigur hann. 

Nær fundurin verður í morgin, er ikki avtalað enn, men hann verður, tá semingsuppskotið er liðugt skrivað.