Flyta sjómannafrádráttin til fakfeløg á landi

Tað dámar ikki formanninum í Føroya Fiskimannafelag, Jan Højgaard, at samgongan ætlar at taka sjómannafrádráttin av.

Undir yvirskriftini: Skal sjómaðurin rinda fyri lønarlyftið? skrivar Fiskimannafelagið, at ætlanirnar um at taka sjómannafrádráttin av eru heilt óskiljandi.

Fiskivarði, Brestir, fiskivinna, fiskiskip

Sjómannafrádrátturin hevur forðað fyri, at sjófólk eru flutt av landinum, sigur formaðurin í Fiskimannafelagnum. (Savnsmynd)

Jan Højgaard skrivar, at sjómannafrádrátturin hevur lutvís sín uppruna í norsku skattalóggávuni, har teir góvu og geva sjófólki og fiskimonnum munandi frádrátt.

Í Føroyum var sjómannafrádrátturin settur í verk fyri at sjófólk ikki skuldu flyta til Noregs at sigla, men heldur sigla við føroyskum skipum og rinda skatt her. Tað hevur eydnast sera væl, sigur formaðurin í Fiskimannafelagnum.

Hoyr samrøðu við Jan Højgaard:

Les greinina hjá Jan Højgaard her.