Íbindingar kosta næstan 80 mió. kr.

Íbindingarnar í innkomuvegin í Havn millum Hvítanes og Marknagil kosta næstan 80 mió. kr.

Íbindingarvegur verður millum rundkoyringina í Marknagili og Oyggjarvegin, millum innkomuvegin og Sundsvegin og Flatarvegin, har er eisini brúgv um Hoydalsá, millum innkomuvegin og Klingruvegin og millum innkomuvegin og Føroya Arena.

Haraftrat er rundkoyring á Niðara hjalla.

Articon hevur latið Tórshavnar kommunu tilboð um at gera arbeiðið.

Articon sigur, at arbeiðið kann vera liðugt í november næsta ár.

Tað kostar 73 milliónir. Aftrat teimum koma fimm milliónir til slitlag og ljós.