Almannaveitingarnar hækka 3,8 prosent

Almannaveitingirnar hækka 3,8 prosent á nýggjárinum.

Almanna- og Mentamálaráðið kunnger, at javningarprosentið til almannaveitingar verður 3,8 prosent.

Hetta er nakað meira enn undanfarin ár.

Javningarprosentið verður útroknað sum miðaltalið av prosentvísu broytingini í lønarkarminum hjá Fíggjarmálaráðnum í tólv mánaða skeiðnum, sum endaði 1.oktober í ár, og prosentvísu broytingini í brúkaraprístalinum annan ársfjórðing í ár sammett við annan ársfjórðing í fjør.

Er roknaða javningarprosentið hægri enn prosentvísa broytingin í lønarkarminum hjá Fíggjarmálaráðnum, verður javningarprosentið sett til prosentvísu broytingina í lønarkarminum.