Uppskot um gongd í haga kemur í hesi tingsetuni

Tað var ikki nógv, Sólvit E. Nolsø, løgtingsmaður, fekk burturúr at spyrja Høgna Hoydal, landsstýrismann, um gongd í haga.

Hann spurdi, um ætlanin er, at allir føroyingar skulu ferðast frítt í føroysku náttúruni og, hvussu økið skal skipast, tá talan er um at krevja gjald frá útlendingum.

Høgni Hoydal svarar, at lógaruppskot um gongd í haga verður lagt fyri løgtingið í hesi tingsetuni. 

Hendan tingsetan endar á ólavsøku næsta ár. 

Høgni Hoydal sigur, at til vildar øllum kann eingin gera, og tí ber til at siga, uttan at taka ov rívan til, at ikki øll vera líka fegin um uppskotið.