TAKS fer at kanna nýtsluna av firmabilum

Annar hvør føroyingur heldur, at skattareglurnar um firmabilar verða ikki hildnar.

Tað sigur ein kanning hjá TAKS, sum hevur spurt fólk, hvussu raskir føroyingar eru at halda skattareglurnar.

64 prosent halda, at bilar hjá almennum stovnum vera brúktir privat, og 40 prosent halda, at bilar hjá fyritøkum vera brúktir privat.

Nýtslan er skattskyldug

Tað er ikki ólógligt at brúka ein firmabil privat, men so er talan um frían bil, og nýtslan er tí skattskyldig.

TAKS fer í næstum at kanna, um bilar hjá stovnum og fyritøkum vera brúktir sambært skattareglunum. Tá talan er um frían bil, er nýtslan skattskyldug.

Arbeiðsplássið skal kanska eisini endurrinda meirvirðisgjaldið, sum tað fekk aftur fyri bilin, sigur TAKS.