Álitisfólk viðgera støðuna - verkfallið vart í fýra vikur

Álitisfólkini í Felagnum Føroyskir Sjúkrarøktarfrøðingar fóru á fund klokkan 11 at viðgera støðuna, nú verkfallið hevur vart í fýra vikur.

Klokkan fýra seinnapartin fara undantøkini frá verkfallinum, sum sjúkrahúsini hava fingið, úr gildi. 

Mikudagin í síðstu viku fekk Sjúkrahúsverkið at vita frá Fíggjarmálaráðnum, at sjúkrarøktarfrøðingar, sum eru til arbeiðis eftir undantaki frá verkfallinum, fáa van løn fyri tað. 

Fakfelagið hevur hinvegin boðað sjúkrahúsverkinum frá, at øll undantøk frá verkfallin verða givin við teimum treytum, at hvør tími gevur sunnudagsgjald. Men tað vil Fíggjarmálaráðið ikki góðtaka.

Semingsstovnurin sigur, at grundarlag er ikki fyri nýggjari semingsroynd, sum støðan er.

Meiri verður at frætta í útvarpstíðindunum klokkan 12.20.
 

Bjarni Árting Rubeksen tók myndir, tá álitisfólkafundurin byrjaði:

Sjúkrarøktarfrøðingar og álitisfólkafundur

Sjúkrarøktarfrøðingar og álitisfólkafundur

Sjúkrarøktarfrøðingar og álitisfólkafundur

Sjúkrarøktarfrøðingar og álitisfólkafundur

Sjúkrarøktarfrøðingar og álitisfólkafundur

Sjúkrarøktarfrøðingar og álitisfólkafundur