- Tíðindi, mentan og ítróttur
Krevja gjald fyri Facebook, sum ikki hevur lýsingar
Krevja gjald fyri Facebook, sum ikki hevur lýsingar
Meta hevur svarað aftur, nú fyritøkan hevur fingið 390 milliónir kr. í bót frá ES
Nú noyðist tú at gjalda, um tú ikki vil hava lýsingar á Facebook. (Savnsmynd)
30.10.2023 - 15:51
Felagið Meta, sum eigur Facebook og Instagram, boðar í dag frá, at fólk í Evropa frameftir skulu rinda fyri at hava Facebook og Instagram við ongum lýsingum.
Brúkarar, sum vilja sleppa undan lýsingum á hesum pallum, mugu rinda hvønn mánað fyri at sleppa undan lýsingum.
Ein mánaður við ongum lýsingum kostar, sambært Reuters, 9,99 evrur fyri netbrúkarar, - tað eru góðar 74 kr. í dagsins kursi, og 12,99 evrur fyri fartelefonhald, - tað eru slakar 97 krónur.
Gjaldið hjá Meta er aftursvar til reguleringina í ES.
Fyrr í ár fekk Meta 390 milliónir krónur í bót fyri brot á persónsverndarlógina hjá ES.
Er kopiera
Nýggjastu sendingar í ÚV
Nýggjastu sendingar í SV
