- Tíðindi, mentan og ítróttur
Broyting kann raka starvsfólk við nógvari sjúkrafráveru
Broyting kann raka starvsfólk við nógvari sjúkrafráveru
Avleiðingin av broytingini í dagpeningaskipanini kann verða , at løntakarar verða trýstir av arbeiðsplássinum, sigur stjórin í Vinnuhúsinum
Niels Winther er stjóri í Vinnuhúsinum. (Savnsmynd: Bjarni Árting Rubeksen)
31.10.2023 - 08:10
Hetta er ikki rætta løtan at gera tað torførari hjá arbeiðsgevarum at hava starvsfólk, sum hava nógva sjúkrafráveru, í starvi.
Tað var greiði boðskapurin hjá Føroya Arbeiðsgevarafelag á hoyringarfundi í trivnaðarnevndini hjá løgtinginum um ætlaðu broytingarnar í dagpeningaskipanini.
- Verða broytingarnar, sum landsstýrið hevur skotið upp, veruleiki, kann avleiðingin verða, at løntakarar við nógvum sjúkradøgum verða trýstir av arbeiðsplássinum, sigur Niels Winther, stjóri í Vinnuhúsinum.
Hoyr innslag í útvarpstíðindunum:
31102023_Sjukradagar
Er kopiera
Nýggjastu sendingar í ÚV
Nýggjastu sendingar í SV
