Heilsutrygd letur fult ískoyti til viðgerð fyri angist og tunglyndi

Uppskot er nú gjørt um, at Heilsutrygd kann geva fult ískoyti til í mesta lagi 12 viðgerðir hjá privatum sálarfrøðingi til fólk millum 15 og 25 ár, sum hava angist ella lætt tunglyndi. 

Uppskotið um kunngerð er sent til hoyringar.

Tey, sum ætla at fáa hesa viðgerð, skulu hava ávísing frá kommunulækna.

Kunngerðin skal koma í gildi 1.januar.

Higartil hevur tilboðið eisini verið til fólk millum 25 og 35 ár.

Men tað tilboðið, sum var ein royndarverkætlan í trý ár, heldur uppat í dag.