EFFO: Fyritøkur vilja hava grøna orku

Fyritøkur, sum keypa olju frá EFFO, vilja hava grønari orku, og tær hava spurt seg fyri hjá EFFO, hvussu tær kunnu minka CO2-útlátið.

Tað segði Gunnar Nielsen, stjóri í EFFO, í Breddanum fyrrapartin.

EFFO hevur tikið stig til eina risastóra vindmylluætlan í Eysturoynni, sum verður nevnd Eysturlund.

Hon verður fýra ferðir størri enn vindmyllulundin, sum EFFO eigur í, á Gellingarkletti oman fyri Havnina.

Eysturlund, Effo og vindmyllur

Eftir ætlan verður Havsbrún í Fuglafirði størsti avtakari av orkuni frá Eysturlund. Odd Eliasen, stjóri, sigur, at Havsbrún hevur leingi arbeitt við ætlanum um at gerast grønari.

Hákun Djurhuus, stjóri í SEV, sigur, at Eysturlund er rætta leiðin at fara, og SEV hevur longu ynskt EFFO til lukku við verkætlanini.

Gunnar Nielsen, Odd Eliasen og Hákun Djurhuus vóru í Breddanum fyrrapartin:

Allur Breddin kann hoyrast her.