Lægri skattastig

Sunda kommuna fer at gera íløgur fyri 46,6 mió.kr. Størsta íløgan er útstykking á Oyrarbakka, har 27 grundstykki skulu gerast.

Tað arbeiðið er byrjað.

13 aðrar raðfestingar síggjast í fíggjarætlanini.

Millum annað brúgv um Stórá millum Hvalvík og Streymnes, spillivatnsskipan í Tjørnuvík og Saksun, vinnuøki í Hvalvík, ferðavinna og almenn vesi.

Sunda kommuna er væl fyri fíggjarliga, og skuldin er umleið ein fjórðing av einari álíkning.

Við íløgunum næsta ár verður roknað við, at skuldin verður slaka hálva álíkning, skrivar kommunan á heimasíðu síni.