Løgmaður: Politiskur vilji heldur enn løgfrøðiligar forðingar

Aksel V. Johannesen, løgmaður, luttók í dag á árliga Norðurlandaráðsfundinum, sum hesa ferð varð hildin í Oslo. 

Fundurin er týðandi partur av samstarvinum millum Norðurlond, og hann gevur stjórnarleiðarunum høvi til at kjakast um felags áskoðanir og avbjóðingar.

Á hvørjum ári savnast teir átta stjórnarleiðararnir úr Norðurlondum á hesum fundi, og í ár varð hann hildin fyri 75. ferð.

 "Grøn, trygg og ung Norðurlond"

Løgmaður nýtti høvi til at leggja dent á týdningin av at taka ungdómin við upp í norðurlendska samstarvið, og at tey eiga at vera partur av slóðini fram á leið. Hann bar fram greiðan boðskap um, at Føroyar eiga at vera fullgildur limur í Norðurlandaráðnum, og hetta verður sæð sum eitt týðandi stig fyri landið í stríðnum at styrkja altjóða samstarvið.

Løgmaður vísti á, at Føroyar longu hava lagt stóran dent á at undirvísa ungdóminum í demokratiskum virðum og norðurlendskari mentan og máli.

Hann nevndi eisini, at Føroyar hava sett sær sum mál, at øll orkunýtsla á landi skal koma frá varandi orkukeldum áðrenn 2030. 

Løgmaður endaði sína røðu við at leggja dent á, at Føroyar hava eitt brennandi ynski um at vera partur av norðurlendska samstarvinum sum eitt sjálvstøðugt og javnstøðugt land.

Hann vísti á, at hetta er meira ein spurningur um politiskan vilja enn løgfrøðiligar forðingar, og hann vónar, at framtíðin fer at vísa, at Føroyar verða fullgildur limur í Norðurlandaráðnum.