Eingin deyður í yrki sínum á sjónum seinasta árið

Allahalganardagur er í dag, 1. november, og tá minnast vit tey, ið fingu váta grøv og tey, ið doyðu í yrki sínum á sjónum. 

Síðani allahalgannadag í fjør, er eingin føroyingur deyður í yrki sínum á sjónum.

Siðvenjan at minnast sjólátin er staðfest í tveimum løgtingssamtyktum - tann fyrra frá 1943 og tann seinna í 1949.

Almenna minningarhaldið verður kl. 14 á Vinnuháskúlanum í Havn. Ann Hermansdóttir, prestur, talar. 

Eftir løtuna á Vinnuháskúlanum leggur Høgni Hoydal, varaløgmaður, krans við minnisvarðan í Viðarlundini í Havn.

Í kvøld verður gudstænasta í Dómkirkjuni í sambandi við minningarhaldið, og hon verður send beinleiðis í útvarpinum.