Uppskotið farið í rættarnevndina

Løgtingið er liðugt við fyrstu viðgerð av lógaruppskotinum frá landsstýrinum um at leggja upp í verkfallið hjá Felagnum føroyskir sjúkrarøktarfrøðingar, og uppskotið er nú farið í rættarnevndina.

Fyrsta viðgerð vard í umleið tveir tímar.

Tingfundur er ásettur at vera aftur klokkan 15.30, og tá fer rættarnevndin leggja fram álit í málinum.

Síðani verður nýggjur fundur ásettur, og tá kemur uppskotið til 2. viðgerð.

Tingið hevur samtykt víkja frá øllum tíðarfreistum á øllum viðgerðarstigum í málinum um at leggja upp í verkfallið hjá Felagnum føroyskir sjúkrarøktarfrøðingar.