Lærarar á miðnámsskúlunum fara eisini í samhugaverkfall

Yrkisfelagið Miðnám, ið er fakfelagið fyri lærarar á studentaskúlum, HF-skeiðum, Fiskivinnuskúlanum, Námi og handilsskúlunum, fer eisini í samhugaverkfall

Birna Heinesen, forkvinna í Yrkisfelagið Miðnámi, í reyðu buksunum, gongur nú somu leið sum hinir fakfelagsformenninir

Mynd: Bjarni Árting Rubeksen

Uni L. Hansen

02.11.2023 - 22:57

Heldur eingin skúlagongd verður á miðnámsskúlunum í morgin.

Yrkisfelagið Miðnám fer í samhugaverkfall við Felagnum føroyskir sjúkrarøktarfrøðingar.

Tað boðar felagið frá á heimasíðuni í kvøld.

YF Miðnám er fakfelagið fyri lærarar á studentaskúlum, HF-skeiðum, Fiskivinnuskúlanum, Námi og Handilsskúlunum.

Í YF Miðnám eru gott 200 limir.

----

Yrkisfelagið Miðnám boðar við hesum frá, at felagið lýsir samhugaverkfall á sáttmálaøkinum millum Fíggjarmálaráðið og Yrkisfelagið Miðnám at galda frá kl. 07.00 fríggjadagin 3. novembur 2023 til kl. 17.00 fríggjadagin 3. novembur 2023.

Samhugaverkfallið umfatar limir felagsins, sum eru umfataðir av sáttmálanum millum Yrkisfelagið Miðnám og Fíggjarmálaráðið.