Søkja nú aftur eftir stjóra til Veks

Nú verður aftur søkt eftir stjóra til Veks.

Heimatænastan í Veks hevur síðani juni søkt eftir nýggjum stjóra, sum skuldi byrja í starvinum tann 1.septembur.

Men enn er eingin stjóri settur.

Veks er samstarvið millum Vestmanna kommunu, Eiðis kommunu, Kvívíkar kommunu og Sunda kommunu um eldraøkið.

Í fyrsta umfari var umsóknarfreistin longd, tí so fáar umsóknir vóru.

Jógvan Kruse

Jógvan Kruse er stýrisformaður í Veks.

12 umsóknir

Tá avtornaði komu 12 umsóknir.

Samráðingar vóru við ein umsøkjara. Men ymisk viðurskifti gjørdu, at viðkomandi kundi ikki átaka sær stjórastarvið.

Tí er starvið lýst leyst aftur, sigur Jógvan Kruse, stýrisformaður.

Noyðast at søkja aftur

Hann sigur, at tey, sum søktu starvið í fyrra umfarinum, noyðast at søkja aftur, eru tey framvegis áhugað.

Umsóknirnar eru ikki av sær sjálvum við í seinna umfarinum.

Umsóknarfrestin er til 20.november á middegi.