Noyðast at fara aftur til samráðingarborðið

Skal endi fáast á sáttmálatrætuni millum Felagið føroyskir sjúkrarøktarfrøðingar og Fíggjarmálaráðið, er fyrsta treytin, at partarnir fara aftur til samráðingarborðið.

Tað eru Marita Ramussen, fyrrverandi stjóri í Vinnuhúsinum, Jógvan Amonson, fyrrverandi semingsmaður, og Ingeborg Vinther, fyrrverandi forkvinna í Føroya Arbeiðarafelag, á einum máli um.

Tey vóru í Breddanum fyrrapartin.

Verkfallið gongur nú á sættu viku, og einki samband er millum partarnar í løtuni.

- Einki hendir, um partarnir ikki tosa saman, sigur Marita Rasmussen.

Jógvan Amonson sigur, at semingsmenninir eru hjálparleysir, tí partarnir vilja ikki flyta seg.

- Skal trætan loysast, noyðast partarnir at tosa saman, og kanska hava semingsmenninar sum millumlið, sigur Ingeborg Vinther.

Sí brot úr Breddanum:

Hoyr allan Breddan her.