Talgildur bóklingur um Luther

Í gjár 10. november var føðingardagur Martin Luthers, sum var føddur í 1483.

Og júst í gjár gav Føroyskt Kirkjumál út bóklingin "Reformatiónin 500 ár 1517-2017", ið er eitt yvirlit yvir tiltøk, sum vóru á skránni fyri seks árum síðan.

Tað sermerkta við hesum bóklingi er, at tilfarið gevur talgilda atgongd til nógv av tiltøkunum um reformatiónina, sum vórðu send í útvarpinum og sjónvarpinum hjá Kringvarpinum.

Tilfarið er upplýsandi, og við ávísum tillagingum er hetta væl egnað í undirvísingarhøpi í skúlum, kirkjum og samkomum, skrivar Fólkakirkjan á heimasíðuni.