Selja fyri tilboðsprís, hóast talan er um fastan lágprís

Tað er villleiðandi og skeiv prísupplýsing, tá ið handlar siga seg selja vørur fyri tilboðsprís, tá talan er um fastan lágprís.

Tað sigur Brúkararaumboðið, sum í heyst kannaði prísin á tilvildarliga valdum vørum í tilboðsbløðum ella á heimasíðuni hjá veitarum.

Talan var um gerandisvørur, klæði og vælveruvørur.

Í onkrum føri hevði Brúkaraumboðið fingið fráboðan um, at prísirnir hjá einari fyritøku ikki vóru rættir.

Brúkaraumboðið bað fyritøkurnar skjalprógva príslækkingina, - tað er at upplýsa upprunaprísin á tilboðsvøruni, so staðfestast kundi, um talan var um verulig tilboð. 

Tað kundu summir handlar ikki.