Halda fram at viðgera tøkugjøldini í morgin

Vinnunevndin verður ikki liðug at viðgera uppskotið frá Sambandsflokkinum um tøkugjøld í alivinnuni í dag sum ætlað.

Tað er niðurstøðan eftir fundin hjá vinnunevndini í dag.

Nevndin sendi boð eftir Búskaparráðnum, Bakkafrosti, Hiddenfjord, MOWI og landsstýrismanninum í vinnumálum. 

Av tí at tað ikki hevur ligið fyri hjá umboðnum fyri Mowi at møta í nevndini í dag, verður tann hoyringin útsett til í morgin.  

Formaðurin í vinnunevndini, Erhard Joensen, vil einki siga, fyrr enn allir hoyringarpartarnir hava verið í nevndini, og einki álit verður skrivað, fyrr enn allar hoyringar eru lidnar.