Verkfallið er av

Seks vikur drúgva verkfallið hjá Felagnum Føroyskir Sjúkrarøktarfrøðingar er av. Fyri løtu síðani skrivaðu Ruth Vang, landsstýriskvinna í fíggjarmálum, og Óluvá í Gong, forkvinna í Felagnum Føroyskir Sjúkrarøktarfrøðingar undir semju í hølunum hjá Semingsstovninum á Tinghúsvegnum í Havn.

Terje Sigurðsson, semingsmaður sigur, at tað eydnaðist at fáa partarnar at ganga við til ein trý ára sáttmála. Hann vil tó ikki koma nærri inn á tey nágreiniligu tølini í sáttmálanum, tí tað vil hann helst, at partarnir sjálvir koma út við.

- Hetta hava verið drúgvar, truplar og strævnar samráðingar, sigur Terje Sigurðsson, sum tó fegnast í kvøld, nú tað umsíðir eydnaðist at fáa partarnar at møtast.

- Nú var tíðin búgvin, snøgt sagt, sigur Terje Sigurðsson.